సౌదీలో అమెరికన్లకు హై అలర్ట్
ముఖ్యమైన పాయింట్స్:రియాద్‌పై హౌతీల మిస్సైల్ దాడి.. ప్రయాణాలపై ఆంక్షలు విధింపుఅప్రమత్తంగా ఉండాలని అమెరికా విదేశాంగ శాఖ అత్యవసర ఆదేశాలు
సౌదీ అరేబియాలో పరిస్థితులు తీవ్రరూపం దాల్చుతున్నాయి. రాజధాని రియాద్‌తో పాటు పలు కీలక నగరాలే లక్ష్యంగా హౌతీ తిరుగుబాటుదారులు దాడులు పెంచడంతో అమెరికా అప్రమత్తమైంది. అక్కడ నివసిస్తున్న తమ పౌరులు, ప్రభుత్వ అధికారుల భద్రతపై తీవ్ర ఆందోళన వ్యక్తం చేసిన అగ్రరాజ్యం.. తాజాగా అత్యవసర భద్రతా మార్గదర్శకాలను జారీ చేసింది. ఏ క్షణంలో వైమానిక దాడులు జరుగుతాయోనన్న భయంతో సిబ్బంది ప్రయాణాలపై ఆంక్షలు విధించింది.
గాలిలోనే క్షిపణి ఛేదన.. తప్పిన పెను ప్రమాదం
ఇటీవల హౌతీ గ్రూప్ సౌదీపై దాడులను ఉధృతం చేసింది. నేరుగా రాజధాని రియాద్‌ను లక్ష్యంగా చేసుకుని బాలిస్టిక్ మిస్సైల్‌ను ప్రయోగించడం తీవ్ర కలకలం రేపింది. అయితే, సౌదీ క్షిపణి నిరోధక దళాలు సకాలంలో స్పందించి ఆ క్షిపణిని గాలిలోనే ధ్వంసం చేయడంతో పెను ప్రమాదం తప్పింది. ఈ ఘటనతో రియాద్ విమానాశ్రయం సమీపంలో భారీగా పొగలు కమ్ముకోవడం, పేలుడు శబ్దాలు వినిపించడంతో స్థానికులు భయాందోళనలకు గురయ్యారు. తైఫ్, బిష్, ఫరసాన్, యాన్బు వంటి ప్రాంతాల్లోని కీలక నిర్మాణాలు, జనావాసాలపై కూడా ఈ దాడులు జరిగినట్లు సమాచారం.
ఆ రెండు నగరాలకు వెళ్లొద్దు!
పరిస్థితి ఎప్పుడెలా మారుతుందో అంచనా వేయలేమని అమెరికా విదేశాంగ శాఖ స్పష్టం చేసింది. ముఖ్యంగా తైఫ్, యాన్బు నగరాల్లో ప్రమాద తీవ్రత ఎక్కువగా ఉందని హెచ్చరించింది. తమ రాయబార కార్యాలయ సిబ్బంది అధికారిక, వ్యక్తిగత పనుల నిమిత్తం ఆయా నగరాలకు వెళ్లాల్సి వస్తే ముందస్తు అనుమతి తప్పనిసరి అని ఆదేశించింది. సాధారణ అమెరికా పౌరులు సైతం నిరంతరం అప్రమత్తంగా ఉంటూ, స్థానిక పోలీసుల సూచనలు పాటించాలని స్పష్టం చేసింది.
అప్రమత్తతే రక్ష.. ఇళ్లలోనే ఉండండి
ప్రస్తుత పరిస్థితుల నేపథ్యంలో ప్రవాస అమెరికన్లకు విదేశాంగ శాఖ పలు కీలక సూచనలు చేసింది. ఆకాశంలో అనుమానాస్పద శబ్దాలు, ఏరియల్ దాడి సంకేతాలు కనిపించిన వెంటనే ఇళ్లలోని సురక్షిత ప్రదేశాల్లో తలదాచుకోవాలని సూచించింది. అద్దాలు, కిటికీలకు దూరంగా ఉండాలని, వీధుల్లో జరిగే ప్రదర్శనలు, జనసమ్మర్ధ ప్రాంతాలకు వెళ్లొద్దని ఆదేశించింది. ప్రయాణాలకు ముందే వాతావరణం, విమాన రాకపోకల సమాచారాన్ని విధిగా చెక్ చేసుకోవాలని కోరింది. కాగా, అమెరికా స్థావరాలపై దాడులు చేసేందుకు హౌతీలు అంగీకరించారని డొనాల్డ్ ట్రంప్ కీలక వ్యాఖ్యలు చేయడం గమనార్హం.
సౌదీకి గల్ఫ్ దేశాల మద్దతు
యెమెన్ తిరుగుబాటుదారుల చర్యలను గల్ఫ్ దేశాలు తీవ్రంగా ఖండిస్తున్నాయి. సౌదీ అరేబియా సార్వభౌమాధికారాన్ని, పౌరుల ప్రాణాలను ప్రమాదంలోకి నెట్టేలా హౌతీలు చేస్తున్న దాడులను ఖతార్ విదేశాంగ శాఖ తప్పుపట్టింది. అంతర్జాతీయ నిబంధనలను ఉల్లంఘిస్తున్న ఈ చర్యలను వ్యతిరేకిస్తూ సౌదీకి పూర్తి మద్దతు ప్రకటించింది. మిడిల్ ఈస్ట్‌లో ప్రయాణించే వారు ప్రస్తుతానికి అప్రమత్తంగా ఉండటం శ్రేయస్కరమని దౌత్యవర్గాలు స్పష్టం చేస్తున్నాయి.
సౌదీ అరేబియాలో పరిస్థితులు తీవ్రరూపం దాల్చుతున్నాయి. రాజధాని రియాద్‌తో పాటు పలు కీలక నగరాలే లక్ష్యంగా హౌతీ తిరుగుబాటుదారులు దాడులు పెంచడంతో అమెరికా అప్రమత్తమైంది. అక్కడ నివసిస్తున్న తమ పౌరులు, ప్రభుత్వ అధికారుల భద్రతపై తీవ్ర ఆందోళన వ్యక్తం చేసిన అగ్రరాజ్యం.. తాజాగా అత్యవసర భద్రతా మార్గదర్శకాలను జారీ చేసింది. ఏ క్షణంలో వైమానిక దాడులు జరుగుతాయోనన్న భయంతో సిబ్బంది ప్రయాణాలపై ఆంక్షలు విధించింది.
గాలిలోనే క్షిపణి ఛేదన.. తప్పిన పెను ప్రమాదం
ఇటీవల హౌతీ గ్రూప్ సౌదీపై దాడులను ఉధృతం చేసింది. నేరుగా రాజధాని రియాద్‌ను లక్ష్యంగా చేసుకుని బాలిస్టిక్ మిస్సైల్‌ను ప్రయోగించడం తీవ్ర కలకలం రేపింది. అయితే, సౌదీ క్షిపణి నిరోధక దళాలు సకాలంలో స్పందించి ఆ క్షిపణిని గాలిలోనే ధ్వంసం చేయడంతో పెను ప్రమాదం తప్పింది. ఈ ఘటనతో రియాద్ విమానాశ్రయం సమీపంలో భారీగా పొగలు కమ్ముకోవడం, పేలుడు శబ్దాలు వినిపించడంతో స్థానికులు భయాందోళనలకు గురయ్యారు. తైఫ్, బిష్, ఫరసాన్, యాన్బు వంటి ప్రాంతాల్లోని కీలక నిర్మాణాలు, జనావాసాలపై కూడా ఈ దాడులు జరిగినట్లు సమాచారం.
ఆ రెండు నగరాలకు వెళ్లొద్దు!
పరిస్థితి ఎప్పుడెలా మారుతుందో అంచనా వేయలేమని అమెరికా విదేశాంగ శాఖ స్పష్టం చేసింది. ముఖ్యంగా తైఫ్, యాన్బు నగరాల్లో ప్రమాద తీవ్రత ఎక్కువగా ఉందని హెచ్చరించింది. తమ రాయబార కార్యాలయ సిబ్బంది అధికారిక, వ్యక్తిగత పనుల నిమిత్తం ఆయా నగరాలకు వెళ్లాల్సి వస్తే ముందస్తు అనుమతి తప్పనిసరి అని ఆదేశించింది. సాధారణ అమెరికా పౌరులు సైతం నిరంతరం అప్రమత్తంగా ఉంటూ, స్థానిక పోలీసుల సూచనలు పాటించాలని స్పష్టం చేసింది.
అప్రమత్తతే రక్ష.. ఇళ్లలోనే ఉండండి
ప్రస్తుత పరిస్థితుల నేపథ్యంలో ప్రవాస అమెరికన్లకు విదేశాంగ శాఖ పలు కీలక సూచనలు చేసింది. ఆకాశంలో అనుమానాస్పద శబ్దాలు, ఏరియల్ దాడి సంకేతాలు కనిపించిన వెంటనే ఇళ్లలోని సురక్షిత ప్రదేశాల్లో తలదాచుకోవాలని సూచించింది. అద్దాలు, కిటికీలకు దూరంగా ఉండాలని, వీధుల్లో జరిగే ప్రదర్శనలు, జనసమ్మర్ధ ప్రాంతాలకు వెళ్లొద్దని ఆదేశించింది. ప్రయాణాలకు ముందే వాతావరణం, విమాన రాకపోకల సమాచారాన్ని విధిగా చెక్ చేసుకోవాలని కోరింది. కాగా, అమెరికా స్థావరాలపై దాడులు చేసేందుకు హౌతీలు అంగీకరించారని డొనాల్డ్ ట్రంప్ కీలక వ్యాఖ్యలు చేయడం గమనార్హం.
సౌదీకి గల్ఫ్ దేశాల మద్దతు
యెమెన్ తిరుగుబాటుదారుల చర్యలను గల్ఫ్ దేశాలు తీవ్రంగా ఖండిస్తున్నాయి. సౌదీ అరేబియా సార్వభౌమాధికారాన్ని, పౌరుల ప్రాణాలను ప్రమాదంలోకి నెట్టేలా హౌతీలు చేస్తున్న దాడులను ఖతార్ విదేశాంగ శాఖ తప్పుపట్టింది. అంతర్జాతీయ నిబంధనలను ఉల్లంఘిస్తున్న ఈ చర్యలను వ్యతిరేకిస్తూ సౌదీకి పూర్తి మద్దతు ప్రకటించింది. మిడిల్ ఈస్ట్‌లో ప్రయాణించే వారు ప్రస్తుతానికి అప్రమత్తంగా ఉండటం శ్రేయస్కరమని దౌత్యవర్గాలు స్పష్టం చేస్తున్నాయి.