ఎన్నికల కమిషనర్ల నియామక చట్టాన్ని సవరించాలి: వైఎస్ జగన్ డిమాండ్
అమరావతి: దేశంలో ఎన్నికల ప్రక్రియ, కేంద్ర ఎన్నికల సంఘం (ఈసీ) పనితీరుపై ప్రజల్లో తలెత్తుతున్న అనుమానాలను నివృత్తి చేయాల్సిన అవసరం ఉందని వైఎస్సార్సీపీ అధినేత వైఎస్ జగన్మోహన్‌రెడ్డి స్పష్టం చేశారు. ఓటర్ల జాబితాల సవరణ, ఈసీఐ-నెట్ నిర్వహణ తదితర కీలక అంశాలపై ఇద్దరు ఎన్నికల కమిషనర్లు పదేపదే లిఖితపూర్వక అభ్యంతరాలు వ్యక్తం చేశారన్న వార్తల నేపథ్యంలో ఆయన సామాజిక మాధ్యమాల వేదికగా స్పందించారు. పరస్పర ఆరోపణల కంటే, కమిషనర్లు లేవనెత్తిన అభ్యంతరాలు ఏమిటి, వాటిపై తీసుకున్న చర్యలు ఏమిటన్నది బహిర్గతం చేయాలని డిమాండ్ చేశారు. ఓటర్ల చేర్పులు, తొలగింపుల ప్రక్రియలో పారదర్శకత ఎంతవరకు పాటించారనే దానిపై ప్రజలకు స్పష్టత ఇవ్వాలని కోరారు. ప్రజాస్వామ్యంలో పారదర్శకత కేవలం మాటలకే పరిమితం కాకుండా క్షేత్రస్థాయిలో అమలు జరిగినప్పుడే వ్యవస్థలపై నమ్మకం ఉంటుందని ఆయన అభిప్రాయపడ్డారు.
2023లో పార్లమెంటు ఆమోదించిన చీఫ్ ఎలక్షన్ కమిషనర్, ఇతర ఎన్నికల కమిషనర్ల నియామక చట్టంపై పునఃసమీక్ష జరగాలని జగన్ ప్రతిపాదించారు. ఎన్నికల కమిషనర్లను ఎంపిక చేసే త్రిసభ్య కమిటీలో ప్రధానమంత్రి, లోక్‌సభ ప్రతిపక్ష నేతతో పాటు సుప్రీంకోర్టు ప్రధాన న్యాయమూర్తి (సీజేఐ) కూడా ఉండే పాత విధానాన్ని తక్షణమే పునరుద్ధరించాలని కేంద్ర ప్రభుత్వానికి విజ్ఞప్తి చేశారు. పరీక్ష రాసే విద్యార్థే స్వయంగా తనను పరీక్షించే ఎగ్జామినర్‌ను నియమించుకుంటే, ఆ ఎగ్జామినర్ ఎంత నిజాయితీపరుడైనా ఆరోపణలు రావడం సహజమని ఆయన వ్యాఖ్యానించారు. ఈ ఎంపిక ప్రక్రియలో ప్రభుత్వం కంటే పూర్తిగా తటస్థంగా ఉండే న్యాయవ్యవస్థ ప్రాతినిధ్యం ఉంటేనే ఎన్నికల సంఘంపై ప్రజల్లో పూర్తిస్థాయి గౌరవం పెరుగుతుందని స్పష్టం చేశారు.
ఇదే సమయంలో ఆంధ్రప్రదేశ్‌లో జరుగుతున్న ఓటర్ల జాబితా ప్రత్యేక సవరణ ప్రక్రియపైనా జగన్ విమర్శలు గుప్పించారు. రాష్ట్రంలో అధికారంలో ఉన్న కూటమి పార్టీలు తమ అధికారాన్ని దుర్వినియోగం చేస్తున్నాయని ఆరోపించారు. నిబంధనలకు విరుద్ధంగా జరుగుతున్న ఓటర్ల తొలగింపులపై తాము అనేక సందర్భాల్లో ఎన్నికల సంఘానికి విజ్ఞప్తులు చేసినప్పటికీ కనీస స్పందన లేదని ఆయన ఆవేదన వ్యక్తం చేశారు. కేంద్ర ప్రభుత్వం తక్షణమే స్పందించి ప్రజల్లో నెలకొన్న అనుమానాలను తొలగించి ఎన్నికల వ్యవస్థలో విశ్వసనీయతను నెలకొల్పాలని జగన్ కోరారు.
2023లో పార్లమెంటు ఆమోదించిన చీఫ్ ఎలక్షన్ కమిషనర్, ఇతర ఎన్నికల కమిషనర్ల నియామక చట్టంపై పునఃసమీక్ష జరగాలని జగన్ ప్రతిపాదించారు. ఎన్నికల కమిషనర్లను ఎంపిక చేసే త్రిసభ్య కమిటీలో ప్రధానమంత్రి, లోక్‌సభ ప్రతిపక్ష నేతతో పాటు సుప్రీంకోర్టు ప్రధాన న్యాయమూర్తి (సీజేఐ) కూడా ఉండే పాత విధానాన్ని తక్షణమే పునరుద్ధరించాలని కేంద్ర ప్రభుత్వానికి విజ్ఞప్తి చేశారు. పరీక్ష రాసే విద్యార్థే స్వయంగా తనను పరీక్షించే ఎగ్జామినర్‌ను నియమించుకుంటే, ఆ ఎగ్జామినర్ ఎంత నిజాయితీపరుడైనా ఆరోపణలు రావడం సహజమని ఆయన వ్యాఖ్యానించారు. ఈ ఎంపిక ప్రక్రియలో ప్రభుత్వం కంటే పూర్తిగా తటస్థంగా ఉండే న్యాయవ్యవస్థ ప్రాతినిధ్యం ఉంటేనే ఎన్నికల సంఘంపై ప్రజల్లో పూర్తిస్థాయి గౌరవం పెరుగుతుందని స్పష్టం చేశారు.
ఇదే సమయంలో ఆంధ్రప్రదేశ్‌లో జరుగుతున్న ఓటర్ల జాబితా ప్రత్యేక సవరణ ప్రక్రియపైనా జగన్ విమర్శలు గుప్పించారు. రాష్ట్రంలో అధికారంలో ఉన్న కూటమి పార్టీలు తమ అధికారాన్ని దుర్వినియోగం చేస్తున్నాయని ఆరోపించారు. నిబంధనలకు విరుద్ధంగా జరుగుతున్న ఓటర్ల తొలగింపులపై తాము అనేక సందర్భాల్లో ఎన్నికల సంఘానికి విజ్ఞప్తులు చేసినప్పటికీ కనీస స్పందన లేదని ఆయన ఆవేదన వ్యక్తం చేశారు. కేంద్ర ప్రభుత్వం తక్షణమే స్పందించి ప్రజల్లో నెలకొన్న అనుమానాలను తొలగించి ఎన్నికల వ్యవస్థలో విశ్వసనీయతను నెలకొల్పాలని జగన్ కోరారు.