గంగమ్మ ఒడికి ఖైరతాబాద్ మహాగణపతి
ముఖ్యమైన పాయింట్స్:కన్నుల పండువగా ముగిసిన 69 అడుగుల భారీ వినాయకుడి నిమజ్జనంఅశ్రునయనాలతో వీడ్కోలు పలికిన వేలాది మంది భక్తులు
హైదరాబాద్: నవరాత్రుల పాటు విశేష పూజలందుకున్న ఖైరతాబాద్ మహాగణపతి నిమజ్జనం కన్నులపండువగా ముగిసింది. ఈ ఏడాది 69 అడుగుల భారీ ఎత్తుతో ‘పంచముఖ సంకటహర మహాగణపతి’గా భక్తులకు కనువిందు చేసిన గణనాథుడు.. శుక్రవారం వేలాది మంది భక్తుల జయజయధ్వానాల మధ్య హుస్సేన్‌సాగర్‌లో గంగమ్మ ఒడికి చేరుకున్నాడు. ఉదయం 9.30 గంటల ప్రాంతంలో ప్రారంభమైన ఈ మహా శోభాయాత్ర ఆద్యంతం ఆధ్యాత్మిక కోలాహలంతో, ఉత్సాహభరితంగా సాగింది. యాత్ర ఆరంభంలో స్థానిక ఎమ్మెల్యే దానం నాగేందర్ వినాయకుడి ఎదుట ఉత్సాహంగా నృత్యం చేస్తూ భక్తుల్లో మరింత జోష్ నింపారు.
శోభాయాత్ర పొడవునా 'గణపతి బప్పా మోరియా' నినాదాలతో నగర వీధులు మార్మోగాయి. వేలాది మంది భక్తుల జైత్రయాత్ర మధ్య ఖైరతాబాద్ నుంచి మొదలైన ఊరేగింపు.. సెన్సేషన్ థియేటర్, రాజ్‌దూత్ చౌరస్తా, టెలిఫోన్ భవన్, ఇక్బాల్ మినార్, తెలంగాణ తల్లి చౌరస్తా మీదుగా ఎన్టీఆర్ మార్గ్‌కు చేరుకుంది. ఎన్టీఆర్ మార్గ్‌లోని క్రేన్ నంబర్ 4 వద్దకు విగ్రహం చేరుకోగానే, ఉత్సవ కమిటీ ప్రతినిధులు స్వామివారికి ప్రత్యేక తుది పూజా కార్యక్రమాలు నిర్వహించారు. అనంతరం మధ్యాహ్నం 2.15 గంటల సమయంలో భారీ క్రేన్ల సహాయంతో మహాగణపతిని హుస్సేన్‌సాగర్‌లో నిమజ్జనం చేశారు. వచ్చే ఏడాది మళ్లీ రావాలంటూ భక్తులు అశ్రునయనాలతో తమ ఇలవేల్పుకు భక్తిశ్రద్ధలతో వీడ్కోలు పలికారు.
ఈ భారీ నిమజ్జన ఘట్టాన్ని విజయవంతంగా పూర్తి చేయడంలో ప్రభుత్వ యంత్రాంగం, పోలీసు శాఖ సమన్వయంతో పనిచేశాయి. భారీ జనసందోహం తరలిరావడంతో, ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్టమైన బందోబస్తు ఏర్పాటు చేశారు. కట్టుదిట్టమైన భద్రతా నడుమ ఈ మహా శోభాయాత్ర, నిమజ్జన కార్యక్రమాలు అత్యంత ప్రశాంతంగా, సురక్షితంగా ముగిశాయని ఉత్సవ సమితి నిర్వాహకులు తెలిపారు.
హైదరాబాద్: నవరాత్రుల పాటు విశేష పూజలందుకున్న ఖైరతాబాద్ మహాగణపతి నిమజ్జనం కన్నులపండువగా ముగిసింది. ఈ ఏడాది 69 అడుగుల భారీ ఎత్తుతో ‘పంచముఖ సంకటహర మహాగణపతి’గా భక్తులకు కనువిందు చేసిన గణనాథుడు.. శుక్రవారం వేలాది మంది భక్తుల జయజయధ్వానాల మధ్య హుస్సేన్‌సాగర్‌లో గంగమ్మ ఒడికి చేరుకున్నాడు. ఉదయం 9.30 గంటల ప్రాంతంలో ప్రారంభమైన ఈ మహా శోభాయాత్ర ఆద్యంతం ఆధ్యాత్మిక కోలాహలంతో, ఉత్సాహభరితంగా సాగింది. యాత్ర ఆరంభంలో స్థానిక ఎమ్మెల్యే దానం నాగేందర్ వినాయకుడి ఎదుట ఉత్సాహంగా నృత్యం చేస్తూ భక్తుల్లో మరింత జోష్ నింపారు.
శోభాయాత్ర పొడవునా 'గణపతి బప్పా మోరియా' నినాదాలతో నగర వీధులు మార్మోగాయి. వేలాది మంది భక్తుల జైత్రయాత్ర మధ్య ఖైరతాబాద్ నుంచి మొదలైన ఊరేగింపు.. సెన్సేషన్ థియేటర్, రాజ్‌దూత్ చౌరస్తా, టెలిఫోన్ భవన్, ఇక్బాల్ మినార్, తెలంగాణ తల్లి చౌరస్తా మీదుగా ఎన్టీఆర్ మార్గ్‌కు చేరుకుంది. ఎన్టీఆర్ మార్గ్‌లోని క్రేన్ నంబర్ 4 వద్దకు విగ్రహం చేరుకోగానే, ఉత్సవ కమిటీ ప్రతినిధులు స్వామివారికి ప్రత్యేక తుది పూజా కార్యక్రమాలు నిర్వహించారు. అనంతరం మధ్యాహ్నం 2.15 గంటల సమయంలో భారీ క్రేన్ల సహాయంతో మహాగణపతిని హుస్సేన్‌సాగర్‌లో నిమజ్జనం చేశారు. వచ్చే ఏడాది మళ్లీ రావాలంటూ భక్తులు అశ్రునయనాలతో తమ ఇలవేల్పుకు భక్తిశ్రద్ధలతో వీడ్కోలు పలికారు.
ఈ భారీ నిమజ్జన ఘట్టాన్ని విజయవంతంగా పూర్తి చేయడంలో ప్రభుత్వ యంత్రాంగం, పోలీసు శాఖ సమన్వయంతో పనిచేశాయి. భారీ జనసందోహం తరలిరావడంతో, ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్టమైన బందోబస్తు ఏర్పాటు చేశారు. కట్టుదిట్టమైన భద్రతా నడుమ ఈ మహా శోభాయాత్ర, నిమజ్జన కార్యక్రమాలు అత్యంత ప్రశాంతంగా, సురక్షితంగా ముగిశాయని ఉత్సవ సమితి నిర్వాహకులు తెలిపారు.