స్థానిక పోరుకు సై: పంచాయతీల ఫలితాలు ఆ రోజే!
ముఖ్యమైన పాయింట్స్:రాష్ట్రంలో ఎన్నికల నిర్వహణకు సర్వం సిద్ధం– ఒకే విడతలో పుర, నగర పాలక సమరం; రెండు దశల్లో ఎంపీటీసీ, జడ్పీటీసీ?– ముగిసిన వీడియో కాన్ఫరెన్స్; వివరాలు వెల్లడించిన SEC అనిల్‌చంద్ర పునేఠా
అమరావతి : రాష్ట్రంలో స్థానిక సంస్థల ఎన్నికల నిర్వహణకు సంబంధించి ఎన్నికల కమిషన్ కీలక వివరాలను వెల్లడించింది. మున్సిపాలిటీలు, నగరపాలక సంస్థలు, నగర పంచాయతీలకు ఒకే దశలో ఎన్నికలు పూర్తి చేయాలని నిర్ణయించినట్లు రాష్ట్ర ఎన్నికల కమిషనర్ (ఎస్ఈసీ) అనిల్‌చంద్ర పునేఠా తెలిపారు. కాగా, ఎంపీటీసీ, జడ్పీటీసీ ఎన్నికలను రెండు దశల్లో నిర్వహించే ప్రతిపాదనను పరిశీలిస్తున్నామని పేర్కొన్నారు.
ఈ మేరక అన్ని జిల్లాల అధికారులతో నిర్వహించిన వీడియో కాన్ఫరెన్స్ అనంతరం ఎస్ఈసీ మీడియాతో మాట్లాడారు. జిల్లాల్లో ఎన్నికల యంత్రాంగం, ఓటర్ల జాబితాలు, పోలింగ్ కేంద్రాలు, బ్యాలెట్ బాక్స్‌లు పూర్తిస్థాయిలో సిద్ధంగా ఉన్నాయని స్పష్టం చేశారు.
కోడ్ అమలు: నోటిఫికేషన్ లేదా ఎన్నికల షెడ్యూల్... వీటిలో ఏది ముందు వెలువడితే ఆ క్షణం నుంచే ఎన్నికల ప్రవర్తనా నియమావళి (Model Code of Conduct) అమల్లోకి వస్తుంది.
పంచాయతీ పోరు (14 రోజుల్లో): పంచాయతీ ఎన్నికలను పూర్తిగా పార్టీ రహితంగా (Non-party basis) నిర్వహిస్తారు. నోటిఫికేషన్ వెలువడిన 14 రోజుల్లో ఈ ప్రక్రియ ముగుస్తుంది. ఉదయం 7 గంటల నుంచి మధ్యాహ్నం 1 గంట వరకు పోలింగ్ జరుగుతుంది. అదే రోజు మధ్యాహ్నం 2 గంటల నుంచి ఓట్ల లెక్కింపు చేపట్టి ఫలితాలు ప్రకటిస్తారు.
పుర, నగరపాలక పోరు (15 రోజుల్లో): నోటిఫికేషన్ ఇచ్చినా 15 రోజుల్లో ఎన్నికలు పూర్తవుతాయి. పోలింగ్ పూర్తయిన రెండు రోజుల తర్వాత ఓట్ల లెక్కింపు ఉంటుంది.
ఎంపీటీసీ, జడ్పీటీసీ (16 రోజుల్లో): నోటిఫికేషన్ నుంచి 16 రోజుల్లో ప్రక్రియ ముగుస్తుంది. పోలింగ్ ముగిసిన రెండు రోజులకు ఫలితాలు వెల్లడిస్తారు.
పంచాయతీలు మినహా మిగిలిన అన్ని స్థానిక పోరులను రాజకీయ పార్టీల గుర్తులతోనే (Party symbol) నిర్వహిస్తామని ఎస్ఈసీ స్పష్టం చేశారు. ఎన్నికల కోసం మొత్తం 1,05,432 బ్యాలెట్ బాక్సులను సిద్ధం చేశామని, ఇందులో తెలంగాణ నుంచి 17,650 బాక్సులను తెప్పించినట్లు వెల్లడించారు.
అమరావతి : రాష్ట్రంలో స్థానిక సంస్థల ఎన్నికల నిర్వహణకు సంబంధించి ఎన్నికల కమిషన్ కీలక వివరాలను వెల్లడించింది. మున్సిపాలిటీలు, నగరపాలక సంస్థలు, నగర పంచాయతీలకు ఒకే దశలో ఎన్నికలు పూర్తి చేయాలని నిర్ణయించినట్లు రాష్ట్ర ఎన్నికల కమిషనర్ (ఎస్ఈసీ) అనిల్‌చంద్ర పునేఠా తెలిపారు. కాగా, ఎంపీటీసీ, జడ్పీటీసీ ఎన్నికలను రెండు దశల్లో నిర్వహించే ప్రతిపాదనను పరిశీలిస్తున్నామని పేర్కొన్నారు.
ఈ మేరక అన్ని జిల్లాల అధికారులతో నిర్వహించిన వీడియో కాన్ఫరెన్స్ అనంతరం ఎస్ఈసీ మీడియాతో మాట్లాడారు. జిల్లాల్లో ఎన్నికల యంత్రాంగం, ఓటర్ల జాబితాలు, పోలింగ్ కేంద్రాలు, బ్యాలెట్ బాక్స్‌లు పూర్తిస్థాయిలో సిద్ధంగా ఉన్నాయని స్పష్టం చేశారు.
కోడ్ అమలు: నోటిఫికేషన్ లేదా ఎన్నికల షెడ్యూల్... వీటిలో ఏది ముందు వెలువడితే ఆ క్షణం నుంచే ఎన్నికల ప్రవర్తనా నియమావళి (Model Code of Conduct) అమల్లోకి వస్తుంది.
పంచాయతీ పోరు (14 రోజుల్లో): పంచాయతీ ఎన్నికలను పూర్తిగా పార్టీ రహితంగా (Non-party basis) నిర్వహిస్తారు. నోటిఫికేషన్ వెలువడిన 14 రోజుల్లో ఈ ప్రక్రియ ముగుస్తుంది. ఉదయం 7 గంటల నుంచి మధ్యాహ్నం 1 గంట వరకు పోలింగ్ జరుగుతుంది. అదే రోజు మధ్యాహ్నం 2 గంటల నుంచి ఓట్ల లెక్కింపు చేపట్టి ఫలితాలు ప్రకటిస్తారు.
పుర, నగరపాలక పోరు (15 రోజుల్లో): నోటిఫికేషన్ ఇచ్చినా 15 రోజుల్లో ఎన్నికలు పూర్తవుతాయి. పోలింగ్ పూర్తయిన రెండు రోజుల తర్వాత ఓట్ల లెక్కింపు ఉంటుంది.
ఎంపీటీసీ, జడ్పీటీసీ (16 రోజుల్లో): నోటిఫికేషన్ నుంచి 16 రోజుల్లో ప్రక్రియ ముగుస్తుంది. పోలింగ్ ముగిసిన రెండు రోజులకు ఫలితాలు వెల్లడిస్తారు.
పంచాయతీలు మినహా మిగిలిన అన్ని స్థానిక పోరులను రాజకీయ పార్టీల గుర్తులతోనే (Party symbol) నిర్వహిస్తామని ఎస్ఈసీ స్పష్టం చేశారు. ఎన్నికల కోసం మొత్తం 1,05,432 బ్యాలెట్ బాక్సులను సిద్ధం చేశామని, ఇందులో తెలంగాణ నుంచి 17,650 బాక్సులను తెప్పించినట్లు వెల్లడించారు.