మియాపూర్ హోటల్‌లో లేడీ డాక్టర్ దారుణ మృతి

హైదరాబాద్ (మియాపూర్): రాజధాని నగరంలోని మియాపూర్ పోలీస్ స్టేషన్ పరిధిలోని ఓ హోటల్‌లో 27 ఏళ్ల మహిళా వైద్యురాలి మృతదేహం కుళ్ళిన స్థితిలో లభ్యం కావడం కలకలం రేపింది. సంగారెడ్డికి చెందిన Dr Komati Srijana హనుమకొండలో PG Pediatrics మొదటి సంవత్సరం చదువుతున్నారు. సెప్టెంబర్ 30న హైదరాబాద్‌కు వచ్చిన ఆమె అకస్మాత్తుగా కనిపించకుండా పోవడంతో కుటుంబ సభ్యులు పోలీసులకు ఫిర్యాదు చేశారు. తండ్రి ఫిర్యాదు మేరకు మొబైల్ సిగ్నల్ లొకేషన్ ఆధారంగా గాలించిన పోలీసులు, మియాపూర్‌లోని ఓ హోటల్‌లోని 502వ గదిలో సృజన మృతదేహాన్ని గుర్తించారు.

ఈ ఘటన వెనుక ఆమె మాజీ ప్రియుడు రవికుమార్ హస్తం ఉందనే అనుమానాలు వ్యక్తమవుతున్నాయి. గతంలో వీరిద్దరూ ప్రేమించుకున్నప్పటికీ, కొన్ని విభేదాల కారణంగా గత ఆరు నెలలుగా రవికుమార్‌ను సృజన దూరంగా పెడుతోంది. అయితే, ఘటనకు ముందు Miyapur Hotel Room లో సృజనతో పాటు రవికుమార్ కూడా ఉన్నట్లు ప్రాథమిక విచారణలో తేలింది. సృజన మృతి చెందిన వెంటనే రవికుమార్ అక్కడి నుంచి పరారైనట్లు సమాచారం.

మృతురాలి తండ్రి పోలీసులకు ఇచ్చిన ఫిర్యాదులో రవికుమార్‌పై పలు తీవ్ర ఆరోపణలు చేశారు. గతంలో సృజనకు చెందిన బంగారు గొలుసును కూడా రవికుమార్ తీసుకున్నాడని ఫిర్యాదులో పేర్కొన్నారు. మియాపూర్ పోలీసులు రవికుమార్‌పై పలు సెక్షన్ల కింద కేసు నమోదు చేసి ప్రత్యేక బృందాలతో గాలింపు చర్యలు చేపట్టారు. హోటల్‌లోని CCTV Footage తో పాటు కాల్ డేటా రికార్డులను (CDR) విశ్లేషిస్తూ అన్ని కోణాల్లో దర్యాప్తు వేగవంతం చేశారు. మృతదేహానికి పోస్టుమార్టం నిర్వహించిన అనంతరం కుటుంబ సభ్యులకు అప్పగించారు.