ఢిల్లీలో తీవ్ర ఉద్రిక్తత: సీజేపీ ముట్టడికి పిలుపు!

న్యూఢిల్లీ : రాజధాని ఢిల్లీలో రాజకీయ వేడి తీవ్ర స్థాయికి చేరింది. కాక్రోచ్ జనతా పార్టీ (CJP) కీలక నేతలను మోడీ-షా సర్కార్ ఢిల్లీ విమానాశ్రయంలోనే అదుపులోకి తీసుకోవడంతో వాతావరణం మరింత ఉద్రిక్తంగా మారింది. పార్టీ ప్రధాన నాయకులు అభిజీత్ దిప్కే, అశుతోష్ రాంకా, సౌరవ్ దాస్‌లను పోలీసులు అరెస్ట్ చేయడంతో, ఆ స్థానంలో పార్టీ నూతన సారథిగా అజింక్య షిండే బాధ్యతలు స్వీకరించారు. ఈ సందర్భంగా ఆయన విడుదల చేసిన ఒక వీడియో సందేశం తీవ్ర సంచలనం సృష్టిస్తోంది.

కేంద్రంలోని ప్రభుత్వ తీరుపై అజింక్య షిండే తీవ్రస్థాయిలో ధ్వజమెత్తారు. "ఈ నియంతృత్వ ప్రభుత్వం దేశంలోని యువతకు తీవ్రంగా భయపడుతోంది. గతంలో దేశప్రజలందరూ ఏకమై జంతర్ మంతర్ వద్దకు వచ్చినప్పుడు మోడీ-షా సర్కార్ అహంకారాన్ని బద్దలు కొట్టాం. అందుకే మళ్లీ జంతర్ మంతర్ చేరుకోకుండా రైళ్లు, రోడ్లు బంద్ చేసి, పెద్ద సంఖ్యలో నిరసనకారులను అదుపులోకి తీసుకుంటున్నారు" అని ఆరోపించారు. ఈ చర్యలే ప్రభుత్వం ఎంత భయంలో ఉందో స్పష్టం చేస్తున్నాయని అన్నారు.

ఈ పోరులో తాము ఇప్పటికే సగం విజయం సాధించామని, ఇది మరో భారీ పోరాటానికి ఆరంభమని షిండే పేర్కొన్నారు. "దేశ ప్రజల ఓటు హక్కు చోరీకి గురైంది. Chief Election Commissioner (ఈసీ) జ్ఞానేష్ కుమార్ ఓటర్ల హక్కులను లాక్కున్నారు. ప్రజాస్వామ్యాన్ని రక్షించడానికే మా ఈ పోరాటం" అని స్పష్టం చేశారు. సీఈసీ జ్ఞానేష్ కుమార్ తక్షణమే తన పదవికి రాజీనామా చేయాలని ఆయన డిమాండ్ చేశారు.

ఎక్కడికక్కడ నిరసనలు ఉధృతం చేయండి!

శాంతియుత నిరసనను తట్టుకోలేకే ఢిల్లీ వ్యాప్తంగా Emergency Situation తరహా వాతావరణాన్ని సృష్టించారని షిండే ఆరోపించారు. నిరసనకారులకు పిలుపునిస్తూ... "దేశవ్యాప్తంగా ఉన్న ఉద్యమకారులంతా జంతర్ మంతర్ వైపు తరలిరావాలి. ఒకవేళ మార్గమధ్యంలో పోలీసులు మిమ్మల్ని అడ్డుకుంటే, అడ్డుకున్న ఆ ప్రదేశాన్నే జంతర్ మంతర్‌గా మార్చుకుని ఆందోళనలు కొనసాగించాలి. CEC Resignation ఇచ్చేంత వరకు ఈ పోరాటం ఆగేది లేదు" అని తేల్చిచెప్పారు.